ОКФ МҚҰ (Solva) инвесторлар алдындағы сенімділігін растады: 5 млрд теңге көлеміндегі облигациялар шығарылымы толық өтелді
ОКФ МҚҰ (Solva) 5,1 млрд теңге көлеміндегі KZ2C00017994 MFOKb34 купондық облигациялар шығарылымын белгіленген мерзімде және толық көлемде өтеді. Облигация иелеріне төлемдер 22 қазанда орналастыру кезінде бекітілген кестеге және KASE қағидаларына сәйкес жүргізілді.
«Ең алдымен біз үшін бұл сенім мәселесі. Инвесторлар Solva-ға 5 млрд теңге инвестиция салып, ал біз уәде еткендей, бұл қаражатты дәл уақытында қайтардық. Міндеттемелерді уақтылы орындау — капитал нарығындағы жұмысымыздың негізі. Біз осы қағидатты ұстануды жалғастырамыз», — деп атап өтті Тимур Ишмуратов.
Облигациялар 2026 жылғы сәуірде 6 ай мерзімге орналастырылды. Осы уақыт аралығында ОКФ МҚҰ купондық сыйақыны уақтылы төлеп отырды. Соңғы төлем арқылы осы шығарылым бойынша міндеттемелер толық орындалды.
Қарыз құралдарын уақытылы өтеу — эмитент сенімділігінің негізгі көрсеткіштерінің бірі. Бұл өтімділікті жүйелі басқарудың нәтижесін көрсетіп, топтың капитал нарығына тұрақты шарттармен қол жеткізуін қамтамасыз етеді. Тартылған қаражат Қазақстандағы жеке тұлғалар мен шағын және орта бизнесті микрокредиттеу бағыттарын дамытуға жұмсалады.
Қазіргі уақытта Solva тобының жалпы көлемі 99,9 млрд теңгені құрайтын 18 облигациялар шығарылымы айналымда орналасқан. Компания олар бойынша міндеттемелерін бекітілген кестеге сәйкес орындауды жалғастыруда.